MU ISHYAKA SHIKAMA KU KURI NA DEMUKARASI "SKUD" TURATANGA INAMA KU RUBYIRUKO RW'U RWANDA UKO RUKWIYE KWITEGURA KUZAHANGANA N'IBIBAZO BIRURI IMBERE MU GIHE CY'IHIRIMA RY'INGOMA Y'AGATSIKO KA F.P.R KAYOGOJE U RWANDA N'AKARERE K'IBIYAGA BIGARI

Mu ishingwa ry'ishyaka rya politiki SHIKAMA KU KURI NA DEMUKARASI "SKUD", twateganije agaseke kanini kagenewe urubyiruko rw'u Rwanda. Aka gaseke kakazajya kagezwa ku rubyiruko binyuze mu nyandiko zirugira inama zinyuranye z'uko rukwiye kwitwara, ibi bikajyana n'imigabo n'imigambi rugomba kwiyemeza gushyira mu bikorwa.

UBUTEGETSI BW'I KIGALI BURARWAYE : Iyo uvuze ko ubutegetsi bw'ibunaka burwaye uba ushatse kuvuga ibibazo uruhuri nk'ibyo u Rwanda rurimo muri iyi minsi birimo gutwika amazu bagahisha umwotsi kandi ubundi ari ikidashoboka, ikibazo cyo gushishikariza uribyiruko kwijandika muri politiki ruvumwa ya FPR iteranya abanyarwanda, imvugo z'abanyapolitiki BA NTA KIGENDA zitesha agaciro umuco nyarwanda zikanakangurira urubyiruko kwiyahura no kwishora mu bikorwa bitegura ubwicanyi bwibasira imbaga, ubushomeri bukomeje kuba ndanze mu rubyiruko rwarangije amashuri yisumbuye, amakuru na Kaminuza, kutabona uburyo bwo kubona agafaranga, n'ibindi.

Mu bibazo nk'ibi biterwa cyangwa bigatizwa umurindi  n'ubutegetsi ubundi bwagombye ahubwo kubivugutira umuti, urubyiruko nk'igihugu cy'ejo hazaza huje amahoro, ubwisanzure, demukarasi no kurandura ikinyoma burundu mu mitima y'abana b'u Rwanda; ruba rukeneye inama no kwegerwa cyane ngo hato rutazagwa mu ruzi rurwita ikiziba.

ESE UBUTEGETSI BW'IGITUGU BWA F.P.R BUZAHIRIMA?: Hari uwakumva nibajije iki kibazo kigaragara nk'icyo mu rwego rw'ibibazo by'abana akagira ngo ni ukwigiza nkana. Nibyo rwose ubutegetsi bwa FPR buzavaho nk'uko n'izindi ngoma zahirimye kandi zari zikomeye bene zo bafite n'ubutinzi bwinshi. Ingero ni uruhuri ariko twavugamo eshatu gusa: (Colonel Mouamar KADAFI wa Libya, Hosni Mubarak wa Misiri na Mareshall Mobutu Sese Seko Kuku Ng'bendu wa Zabanga watwaraga Zaïre n'ishyaka rye MPR aho umuzayirwakazi iyo yatwitaga(gusama inda) uwo mwana yavukaga agahita yandikwa mu ishyaka rya Mobutu) aba bose bahindutse amateka muri politiki ntibakivugwa.

Nk'uko muri SKUD twabivuze, urebye ibirimo kubera mu Rwanda, biragaragara neza ko ihirima rya FPR rizaba ribi cyane bitewe n'imvugo ziva mu kanwa k'abategetsi b'i Kigali bungikanya n'ibikorwa bya kinyamanswa bidasiba gucura inkumbi mu bana b'u Rwanda. Muti ese ingero ni izihe? Ingero zo ni uruhuri nk'ako Perezida Kagame yavugiye mu nteko ku Kimihurura mu nama ngo yabatijwe iy'igihugu y'umushyikirano mu 2010 ko abajenerali bamuhunze ari IBIGARASHA ndetse ko mu minsi iza bazahinduka ibigarasha bicitse. IKIGARASHA bisobanura ikarita y'icyondi idafite ububasha bwo kurya izindi.

Vuba aha ari i Nyabihu yavuze ko bagiye kujya barasa abantu ku mugaragaro izuba riva, s'ibi gusa kuko ibyari IBIGARASHA bihindutse ISENENE ngo azashyira mu isafuriya zikabanza zikicana nyuma akazikaranga akazica akazirya. Ibi byose biraca amarenga ko azitabaza urubyiruko kuko atabyishoborera wenyine.

INAMA SKUD TUGIRA URUBYIRUKO RW'U RWANDA: Urubyiruko rw'u Rwanda rwumva neza ibibazo biruri imbere n'ibishuko abanyapolitiki nise BA NTA KIGENDA gambiriye kuzabashoramo, muri SKUD turarusaba DUSHIKAMYE nk'uko turi gushirika ubwoba rukabyanga. Uku kwanga ikibi no kucyamagana, urubyiruko rw'u Rwanda rukwiye kumenya ko bitangira kare kandi hakabaho kubyitoza no kubyimenyereza.

Intambwe ibanziriza izindi muri uru rugamba rwa Demukarasi n'imiyoborere myiza rwanikira(rusiga inyuma) ab'ibigwari n'ibifura ni ukwisungana twishyira hamwe kandi tukamenyana urubyiruko rugaturana ruziranye kandi ruvuga imvugo imwe. Iyo ibi bishobotse, guhakanira ubashora mu gukora bikini biroroha cyane kuko muba mushyize hamwe bityo mukaba muhesheje Gaciro mwa mugani w'i Rwanda uvuga ko ABISHYIZE HAMWE NTA KIBANANIRA.

Mu nyandiko itaha tubararikiye inyandiko tuzabagezaho izasesengura ibikorwa bibi n'ibyago bishobora kuzagwira abanyarwanda bari imbere mu gihugu ingoma ya FPR imaze guhirima kandi si cyera kuko icyago kiri mu marembo y'u Rwanda kandi namwe nkaba ntashidikanya ko mubibona nk'uko natwe mu ISHYAKA RYA POLITIKI SHIKAMA KU KURI NA DEMUKARASI "S.K.U.D" TUBIBONA.

UBUYOBOZI BW'ISHYAKA S.K.U.D 

REVOLISIYO YISWE " IKALAMU " INZIRA YO GUHAMBIRIZA KAGAME N'AGATSIKO KE

Hari abantu bamaze iminsi bandika ku mbuga zitandukanye ko opozisiyo igomba gukora igisirikare cyo gukuraho Kagame. Njye siko mbibona kuko gukora ikirebeli ubu ni ugutuma Kagame agarura ubuyanja kandi nta munyarwanda ubyifuza, kandi abifuza intambara wenda baba basa na ba bandi nita ba Kozivuze Rutemayeze,  Kagame ajya imbere akivovota, akivuga imyato atagira, akababwira ukuntu agiye kwica abanyekongo bagakoma amashyi, bati ubwo abatutsi bazakugwa inyuma twe tuzakugwa imbere; bariya ntawe uzi ko isasu ryica kuko batagiye ku rugamba, kuribo Kagame yishe ntacyo bivuze icya ngombwa ni umutekano wa miliyoni zabo bafata buri kwezi.

MU ISHYAKA SHIKAMA KU KURI NA DEMUKARASI "SKUD" BIRIHUTIRWA GUSHINGA(GUTANGIZA) BANKI Y'URUBYIRUKO RW'U RWANDA KUGIRA NGO UBUKENE BURUGEZE KU BUCE UHEREYE MU 1962 BUCIKE BURUNDU KUKO IBYEMEZO BYOSE BYARUFATIWE MBERE BYARI MU NYUNGU Z'UDUTSIKO DUTO TW'ABANYAPOLITIKI

Mu nyandiko iherutse gutangazwa ku mugaragaro ivuga ishingwa ry'ISHYAKA RYA POLITIKI SHIKAMA KU KURI NA DEMUKARASI, twagarutse ku rubyiruko rw'u Rwanda rwakunze guhindurwa ibikoresho by'abanyapolitiki batitaye kuri ejo heza hazaza harwo.

IBYEMEZO BYINSHI BITAKEMUYE IKIBAZO:

Ubutegetsi bwose iyo buva bukagera bwiyambaza kandi bugakenera urubyiruko ruri hagati y'imyaka 18 na 35. Ingoma ya Kayibanda uretse no kuba yaramaze igihe gito (imyaka 11 n'iminsi 4 gusa), ntiyigeze ibona umwanya uhagije wo kwita ku rubyiruko kuko yihutiye kubaka ibikorwa remezo uko yari ishoboye kandi n'intambara z'uruduca yagabwagaho n'abari barahungiye hanze y'igihugu.Repubulika ya kabiri yari irangajwe imbere na Jenerali Majoro HABYARIMANA Yuvenali nayo ntako itagize ngo yerekane ko yitaye ku rubyiruko.

Ba Sitari bo mu Rwanda, mwirinde umutego mubisha w'Agatsiko-Sajya nk'uwashibukanye mugenzi wanyu Kizito Mihigo./Bakizimbwa Paul Kizito

King James na Knowles  Butera

Muri Shikama twishimiye kubona urubyiruko rwo mu Rwanda rusigaye rubisikana mu kirere aho abasore n'inkumi batumizwa ubutitsa kujya ku migabane itandukanye y'isi gushimisha imbaga y'abantu iba yabatumiye.

Ni byiza cyane bikwiye no kwishimirwa kubona mu Rwanda hasigaye hava abahanzi, abanyamideli, abanyabugeni bajya guhangana n'ibikomerezwa by'abanyamahanga, abandi ugasanga bakorana indirimbo n'ibyamamare bizwi ku isi nka Sean Kingston wakoranye indimbo Good Time  na Tom Close, hamwe n'indirimbo Tayali,  Urban Boyz bakoranye n'ikirangirire muri Muzika Iyanya ukomoka muri Nigeria.

Shikama ihora ikurikirana umunsi kuwundi uburyo urubyiruko rw'u Rwanda rugenda rutera imbere aho usanga umuziki wa bamwe mu basore nka Jay Polly, Riderman, Bruce Melody , King James, Ama G The Black, ...ndetse n'Abari nka Knowless Butera, Oda Paccy, Young Grace, ... uryohera amatwi ukumva ubakuriye ingofero.

BASOMYI MWESE DUHURIYE KULI IZI MBUGA: NIFUJE KUBAGEZAHO IBYO NZI KU BUHANUZI BWA MAGAYANE, NKABA NSABA INKUNGA BAGENZI BANJYE AHO BARI HOSE KUNYUNGANIRA KUKO MULI AMOSI 3:7 IMANA YARAVUZE NGO: NTA KIZABA NTABANJE KUGIHISHULIRA ABAHANUZI. MAGAYANE YARI UMUGABO UFITE IMPANO Y' UBUHANUZI, AKABA YARAKOMOKAGA MU KARERE BITAGA UBUKONYA, KOMINI YA GATONDE, MU RUHENGERI.

Zigiranyiranyirazo wari Perefe ya Ruhengeri afunga Magayane

Perefe Zigiranyirazo muramu wa Habyarimana akimara kwumva ko nta kabuza abatutsi bari hanze bazafata urwanda, nyuma ariko ngo bakazarwirukanwamo n' umuzungu warubahaye, Zigiranyirazo yatse insinzi, Magayane ati kereka Habyarimana yeguye igihugu akagiha abanyenduga kuko nibo bazi amacenga y' abatutsi, bityo mwebwe mukicara.

Ibyo Magayane yahanuye bikaba:

 Zigiranyirazo yavuze ko bafunga Magayane, Magayane akigera mu buroko 1930 yabwiye uwamutekeraga ati: ku wa kane nzapfa maze kurya imboga. Niko byagenze. kuko yahawe i mboga z' isogo  yakundaga jeudi yitaba imana. Yanabwiye n' uwo musoda wamutekeraga ko azagwa mu maguru y' abagore, niko byabaye uwo musore yagiye gusambanya umugore w' undi mugabo, ategerwa kw' irembo bamutsinda aho. 

INYANDIKO-SHINGIRO ITANGIZA ISHYAKA RYA POLITIKI “SHIKAMA KU KURI NA DEMOKARASI-SKUD”

                                                                             Twebwe abagize ISHYAKA SKUD ku ikubitiro, dushingiye ku muco n’ingeso byiza n’indangagaciro byarangaga abakurambere bacu mu muryango nyarwanda, dushingiye ku mutima nama wacu urangwa n’ishyaka ryo guharanira icyateza imbere u Rwanda n’abanyarwanda bose nta vangura iryo ariryo ryose, dushingiye ku mugenzo mwiza ntagereranywa wo kuvugisha ukuri no kubwizanya ukuri muri bene kanyarwanda bo hambere.

                                                                         Dushingiye ku bibazo uruhuri abakuze n’urubyiruko rw’abanyarwanda ubu bariho bahura nabyo bitewe n’ubutegetsi bw’igitugu bwa FPR Inkotanyi, twishyize hamwe dusasa inzobe mu rwego rwo kubiganiraho no kubijyaho impaka, dushinze ISHYAKA SHIKAMA KU KURI NA DEMOKARASI-SKUD rigamije guhindura ubutegetsi mu Rwanda binyuze mu nzira y’amahoro.